Hela Rahas

Hela Rahas Official Web Portal

දරුවන් මේ ස්තෝත්‍රය භාවිතා කරන්න

ඕනෑම මවක් හෝ පියෙක් නිතරම උත්සාහ කරනුයේ තමාගේ දරුවා අධ්‍යාපනයෙන් පිරිපුන් කර නිසි තැනක ස්ථාපනය කිරීමටයි. කෙතරම් ආර්ථික අපහසුතා පැවැතියත් දරුවන්ගේ අධ්‍යාපන කටයුතු වෙනුවෙන් මාසිකව දැරිය යුතු වියහියදම් වෙනුවෙන් වෙන් කිරීම් පවා සිදු කරනු ලබන්නේ ඒ නිසයි. එසේ කටයුතු සිදු කරන්නේ ඔවුන් නොලද අධ්‍යාපනය නිසි අයුරින් දරුවන් වෙත ලබා දෙමින්, දරුවන් උසස් තැනකට යොමු කිරීමටයි. මොහොතකට සිතා බලන්න.

මවුපියන් සහ පහ වසර ශිෂ්‍යත්ව විභාගය වෙනුවෙන් තමාගේ දරුවා කෙතරම් යොමු කරවීමක් සිදුකරනවාද කියා. උදේ පාසල් ගිය දරුවා නැවැත නිවෙස් කරා පැමිණෙන්නේ දිවාකාලයට සමු දෙමිනි. නමුත් මෙවන් පරිසරයක් තුළ සමහර මවුපියන් දරුවන් වෙනුවෙන් කෙතරම් වියපැහැදම් කර වෙහෙස මහන්සි වුවත්, දරුවන්ට මවුපියන්ගේ සිහින සැබෑ කරන්නට හැකියාවක් නොමැති වනවා. මේ ලිපියේ සුවිශේෂත්වය වන්නේ මේ කාරණාවට විසඳුමයි.

මේ කාරණාව මා සමහර දරුවන්ගේ මවුපියන් අතරේ නිතර අසන්නට ඇති කාරණාවක්ය. එනම් දරුවා කෙතරම් පාඩම් කටයුතු සිදුකළත් කරුණු කාරණා මතකයේ රඳවා ගැනීමට අපොහොසත් වීමයි. සත්‍ය වශයෙන්ම මෙවන් දරුවන්ගේ ආධ්‍යාත්මය වර්ධනය කර ගැනීමේ ක්‍රමවේදයන්ට යොමු කිරීම ඉතාමත් වැදගත් වන්නේය. විශේෂයෙන්ම නුවණට අධිපති ගණපති දෙවිඳුන්ගේ යැදීම් මෙවැනි දරුවන්ට ඉතාමත් යහපත් වන්නේය. බොහෝ ගණපති ස්තෝත්‍ර ඇතත් නිසි ආකාරයෙන් ගණ දෙවිඳුන්ගේ ආශීර්වාද ලබා ගැනීමටත්, සිඳී බිඳී ගිය මතක ශක්තිය නිසි අයුරින් ඇතිකර දරුවාට පූර්ණ මනසක් ඇති කරන්නටත් මෙම ගණපති ස්තෝත්‍රය ඉවහල් වන බව කිව යුතුය.

දෙවිඳුන් වෙනුවෙන් නිසි පුද සත්කාර පවත්වා මේ දක්වන ස්තෝත්‍රය දිනපතා උදේ – සවස දරුවා ලවා තුන් වාරය බැගින් කියවා ගණ දෙවිඳුන් යැදීමෙන් දරුවාගේ මතක ශක්තිය බලවත් අයුරින් උත්තේජනය වී වර්ධනය වනු ඇත.

ස්තෝත්‍රය

  • හරියොම් ත්‍රිපුර සංඛාරා – විග්නෙශරූපාය
  • ඩං ඩං සරණං සරණං නෙය්‍යම් නම්බිනෙම්වාවා
  • ගණපති ඕං කලිවුම් අං – උං ගණපති මහා ගණපති
  • එන්නෙයි විලම් මන දිලයුම් – නක්කසවා

පිරිසුදු පැන් වීදුරුවක් ගෙන ඉදිරියේ තබා ස්තෝත්‍රය සජ්ඣායනය සිදු කොට අවසානයේ එම පැන් පානය කොට, මුවද දොවා පාඩම් ආදී කටයුතුවලට යොමු වන්නේ නම් අත්දුටු ප්‍රතිඵල එවෙලෙහිම දැක ගන්නට හැකියාව පවත්නා බවද දතයුතුය. මෙසේ ගණපති දෙවිඳුන්ට පුද සත්කාර සිදුකොට උතුම් ගණ දෙවි නුවණ ඔබේ දරුවාට පහළ වේවායි පතමි.
ජ්‍යොතිෂවේදී කේ.ජී. ක්‍රිෂාන්ත ප්‍රියදර්ශන