Hela Rahas

Hela Rahas Official Web Portal

බර අඩුකර ගැනීමට උපක්‍රම 12 ක්

බොහෝ විට, අපි කන්නේ අපට බඩගිනි නිසාම නොවේ, අපි ආසම කෑම වල රස බලන්න. ඉතින්,ක්‍රමයෙන් අපේ සිරුරේ බර වැඩිවෙන එක අහන්නත් දෙයක්ද?විශේෂඥයින් අදහස් දක්වන ආකාරයට ආතතිය,දේශගුණය සහ අපි ගත කරමින් ඉන්නේ දවසේ කුමන කාලයද කියන කරුණු මඟින් අපි ආහාරයට ගන්නා ආහාර ප්‍රමාණය සහ අපේ ඇතැම් ආහාර පුරුදු වලට බලපෑම් කරන බවයි.

නමුත්, පාලනයකින් තොරව ආහාර ගැනීමෙන් සිදුවන්නේ සිරුරේ බර අහිතකර ලෙස වැඩිවී එමඟින් අපේ සෞඛ්‍යයට ද බලපෑම් ඇති වීමයි. අද අපි ඔබට කියන්න යන්නේ ඔබේ මේ ආහාර වලට ඇති ගිජු කම අඩු කරගැනීමට ඔබට උපකාරි වන සරල උපක්‍රම කිහිපයක් ගැනයි. මෙම උපදෙස් වලින් ඔබට හැකිවේවි අනවශ්‍ය ලෙස අවේලාවේ ආහාර ගැනීම් පාලනය කරමින් ඔබේ බර අඩු කරගැනීමේ අරමුණ සාර්ථක කරගන්නට.

1.සිතැඟි වලටම ඉඩ දෙන්න එපා

  • ආහාර පාලනය කිරීමට පටන් ගත් මුල්කාකයේදී එය ඉතා අපහසු දෙයක් සේ ඔබට හැඟිය හැකියි. ඔබ ප්‍රිය කරන ක්ෂණික ආහාරවලින් මිදී සාමාන්‍ය ගුණදායි පලතුරු සහ එළවළු වැඩි පුර ආහාරයට ගැනීම එතරම් රසවත් අත්දැකීමක් ලෙස ඔබට නොදැනිය හැකියි. නමුත්, ඔබට වඩාත් අවශ්‍ය කුමක් දැයි හොඳින් සිතා බලන්න. ඉක්මනින් බර අඩුකරගන්න නම් ඉතින් ඔබේ ආශාවන් ආයාසයකින් හෝ මැඩගන්න වෙනවා.

2.වර්ග 2 කින් යුත් ආහාර ඔබේ පිඟානේ තිබිය යුතුයි.

  • මස් කැබැල්ලක්-එළවළු කිහිපයක්, ධාන්‍ය -සලාදයක්, මාලු- එළවළු… මේ ආකාරයේ සරල ආහාර ‍තෝරාගැනීමක් සැම විටම අනුගමනය කරන්න.

3.කැම කන තැන නිතර වෙනස් කරන්න

  • සාලයේ, කාර්යාල කාමරයේ,බැලකනියේ, හෝ එලිමහනේ සිට ඔබේ ආහාර පිඟාන රසවිඳින්න. මේ ක්‍රමය මඟින් දෙවනි සැරයට ආහාර බෙදාගන්න හිතුනත් එය බොහෝ දුරට මැඩපවත්වාගත හැකියි. මොකද ගොඩක් අය නැවත මුලුතැන්ගෙට යන එක කම්මැලි දෙයක් ලෙස සිතන්න පුලුවන් නිසා.

4.තමන් රසවිඳි ආහාර වල ඉතුරු කොටස් පිඟානෙන් ඉවත් කරන්න කලබල වෙන්න එපා

  • ඒවා තමන්ගේ පිඟාන කෙලවරම තබාගන්න. එසේ ඒවා ඉවත් කිරීමෙන් සිදුවන්නේ නැවත වතාවක් ආහාර බෙදාගැනීමට පෙලඹිමයි.

5.පිඟාන හිස්වනතුරු නොව ඔබට බඩ පිරුණු බව හැ‍ඟෙන තාක් පමණක් ආහාර ගන්න.

  • අධ්‍යයනයක් මඟින් පෙන්වා දෙන්නේ මිනිසුන් බොහෝ දෙනෙකු බඩ පිරෙන තුරු නොව පිඟාන හිස්වනතුරු දිගටම ආහාර ගන්නා බවයි. ඔබට කල හැකි එක් උපක්‍රමයක් තමයි කුඩා පිඟානක් භාවිතා කිරීම. ඒ වගේම සිහියෙන් ආහාර ගැනීම. ඔබේ බඩගින්න සහ ආහාර රුචිකත්වය අනුව ආහාර බෙදාගැනීමේදී විශේෂයෙන්ම ඔබේ අරමුණ ගැන අවධානයක් දෙන්න. ඒ හැර කෑම මේසයේ තව කෑම ඉතුරුයි කියා ඒවා අවසන් වන තුරු ආහාරයට ගැනීම නම් එතරම් සුදුසු නැහැ.

6.තනිවම කෑම කන්න

  • අපි හුදකලාව ආහාර ගන්නා විට ආහාර ගන්නා ප්‍රමාණය කණ්ඩායමක් සමඟ ආහාර ගන්නා ප්‍රමාණයට වඩා 30% ක් පමණ අඩු බවයි දැක්වෙන්නේ.ඔබේ මිතුරන් සමඟ එක්වී ආහාර ගන්නා විට ඔබ සාමාන්‍යයෙන් කන ප්‍රමාණය මෙන් දෙගුණයක් පමණ ආහාරයට ගැනීමේ සම්බාවිතාවක් ඇති බවයි කියන්නේ.ඔබේ ප්‍රධාන ආහාර වේල් 3 තනිව සිටිමින් අනුභව කරන්න.

7.ආහාර ද්‍රව්‍ය මිලදී ගැනීමේදී ලැයිස්තුවකට අනුව මිලදී ගන්න.

  • ඔබට අවශ්‍යම එළවළු, පලතුරු, ධාන්‍ය වර්ග ඇතුලු ආහාර ද්‍රව්‍ය වල ලැයිස්තුවක් ලියන්න. ඊට අදාල භාණ්ඩ පමණක් මිලදි ගැනීමට වැඩි සැලකිල්ලක් දක්වන්න. මෙමඟින් වෙනත් රසකැවිලි සහ ක්ෂණික ආහාර මිලදි ගැනීම සඳහා යොමුවීම අවම කරගත හැකියි.

8.දිව පිනවන ඔබ කැමතිම රස කෑම හැකිතාක් අවම කරන්න.

  • පැණි රස කෑම කියන්නේ බර අඩු කරගැනීමට බාධා ඇතිකරන්නක්. ඒ නිසා පැණි රස බහුල රසකැවිලි සහ ක්ෂණික ආහාර වර්ග ඔබ කොතරම් කැමති වුණත් භාවිතයෙන් හැකිතාක් අවම කරන්න ඔබට සිදුවෙනවා. ඒවා අනුභව නොකර සිටීමට හැකි නම් ඔබේ සෞඛ්‍යයට වඩාත් හිතකර වේවි.

9.ආහාර ගිලීමට පෙර හොඳින් සපන්න.

  • අධ්‍යයනයන් මඟින් පෙන්වාදෙන්නේ මුව තුලට දමා ගත් ආහාර වාර 32 ක් පමණ හොඳින් සැපීම මඟින් රස අංකුර හොඳින් සංතෘප්ත වීම සිදුවන බවත් ඉන් කැපී පෙනෙන ලෙස ආහාර රුචිය අවම වී බඩේ පිරුණු ස්වභාවයක් දැනීමට පටන්ගන්නා බවත්ය.

10.උදෑසනම කැලරි වැඩි ආහාර නොගත යුතුයි.

  • වරක් කාන්තාවන් 100 දෙනෙකු යොදාගෙන සිදුකල අධ්‍යයනයකින් සොයාගත හැකිවූයේ 96% දෙනා තම උදෑසන ආහාර වේල සිරුරේ හැඩය පවත්වාගැනීම වෙනුවෙන් කැප කරමින් වෙනස් ආහාර පුරුදු අනුගමනය කර ඇති බවයි. ඔවුන් අතරින් සිහින් සිරුරක් ඇති සිව් දෙනෙකු පමණක් උදෑසන ආහාර කිසි දිනෙක ලබානොගන්නා බවත්, ඒ අය අතරින් බර අධික කාන්තාවන් පවසා ඇත්තේ සිරුර සිහින් කරගැනීම සඳහා ඔවුන් උදෑසන ආහාරය මඟ හරින බවත්ය. උදෑසන ආහාර වේල ලබාගැනීම ඉතා වැදගත්ය. එය මඟ හැරීම කිසිසේත්ම නොකල යුතුයි. ඒ වෙනුවට කැලරි අඩු ආහාර වර්ග අනුභව කරන්න.

11.පොඩි කොටසක් පිඟානට බෙදාගන්න.

  • ආහාර බඳුන් මුලුතැන්ගෙයි තිබියදී ඉන් ඔබේ පිඟානට අවශ්‍ය ප්‍රමාණය පමණක් බෙදාගනිමින් අනුභව කරන්න. මින් ඔබේ ඇස ගැටෙන ආහාර ප්‍රමාණය අඩු වන නිසා ඔබේ ප්‍රියතාව මැඩගනිමින් ආහාරයට ගන්නා ප්‍රමාණය අඩු වේ.

2.අඛණ්ඩව මෙම පිලිවෙත අනුගමනය කරන්න.

  • මේ සියල්ල එක්වරම කිරිමට කලබල නොවන්න. සෑම සතියකටම එක් උපක්‍රමයක් බැගින් භාවිතා කිරීමට් අපටන් ගන්න. ඒ ආකාරයෙන් ක්‍රමයෙන් ඒවාට හුරුවෙන්න. එසේ කුඩා කුඩා පියවර මඟින් ඔබේ ආහාර වලට ඇති ආශාව පාලනය කරගනිමින් නිරෝගි ජීවිතයක් සහ හැඩැති සුන්දර සිරුරක් ඔබටත් ලබාගත හැකිවේවි!