Hela Rahas

Hela Rahas Official Web Portal

ඔබට ප්‍රයෝජනවත් විය හැකි ජීවිතාරක්ෂක උපක්‍රම 7ක්

ජීවිතයේ අපේක්ෂා කරන දේවල් වලට වඩා අනපේක්ෂිත දේවල් සිදුවෙනවා වැඩියි. අනතුරක් හෝ හදිසි අවස්ථාවක් වුණත් සිදුවන්නේ කලින් දැනුවත් කරලා නෙවෙයි නේ! අවදානමට පෙර සූදානම වැදගත් වන්නේ ඒ නිසයි . සරලවම කිව්වොත් ඔබේ ආරක්ෂාව සලසාගත යුත්තේ ඔබ විසින්මයි. මොකද හැමවිටම ඔබට වෙනත් අයෙකුගේ සහයක් නොලැබෙන අවස්ථා ද තිබිය හැකි නිසා.

එදිනෙදා ජීවිතයේ දී අනපේක්ෂිත අවදානම් අවස්ථාවලට මුහුණ දීම සඳහා සිදුවන ඔබට ඔබේ ජීවිතය අනතුරු වලින් ආරක්ෂා කරගැනීමට ප්‍රයෝජනවත් විය හැකි ජීවිතාරක්ෂක උපක්‍රම කිහිපයක් ගැනයි මේ.

1.සිහිසුන් වීමක දී

  • ඔබ මිනිසුන් ගැවසෙන තැනක සිටියත් බොහෝ විට ඔබේ උපකාරයට යම් කෙනෙකු පැමිණිම ප්‍රමාද වෙන්න පුලුවන්. ඔබට සිහිසුන් ගතියක් දැනෙනවානම්
  • අසල සිටින කෙනෙකුට ඒ බව පවසමින් උපකාර ඉල්ලන්න යම්පෘෂ්ටයකට(බිත්තියකට,තාප්පයකට) හේත්තු වි සෙමින් ඉඳගැනීමට උත්සහ කරන්න.
  • බිම වැතිරී පාද ඉහළට කර තබාගන්න. නැතිනම් වාඩි වී ඔබේ දණහිස් මැදින් හිඔස නවාගෙන සිටින්න.
  • ගැඹුරින් හුස්ම ගන්න
  • කට වසාගෙන දෙවරක් පමණ හුස්ම ඉහළට ඉරීම සිදුකර හුස්ම පිටකරන්න. පර්යේෂකයින් පවසන ආකාරයට මෙම ක්‍රමය මඟින් සිරුරේ රුධිර පීඩනය සහ හෘද ස්පන්දන වේගය පහත වැටීම වළක්වාගැනීමට උපකාර කරයි.

2.උස් තැනකට සිට පහළට ඇදවැටීමකදී

  • ගුවන් කරණම් කරුවෙකු (ස්කයිඩයිවර්) මෙන් ඉරියව්ව ඇතිකරගන්න.ඔබේ පපු ප්‍රදේශය සහ හිස පහළට මුහුණලා තිබිය යුතුයි. දෑත් සහ පාද විහිදුවා අංශක 90 ක කෝණයකින් නවාගෙන සිටින්න.
  • බිම පතිත වීමට සුදුසු බිමක් ‍තෝරාගන්න. පිදුරු ගොඩක් හෝ පඳුරු මතට වැටීම ආරක්ෂාකාරීය. ජලයට පතිත වීම ආරක්ෂාකාරී වන්නේ ඔබ අඩි 150 ක් හො ඓඉට අඩු උසක සිට පහළට වැටීමකදී පමණි.
  • බිමට පතිත වීම සඳහා සිරුර සිරස් ලෙස ඉරියව් ගත කරගන්න. පි‍ටුපසට වැටීමට වඩා ඉදිරිපසට වැටීම වඩාත් හිතකරය.
  • දෑත් එකට කරමින් ඔබේ හිස ආවරණය කරගන්න මතක තබාගන්න.

3.ඔබ කන්දකින් හෝ බෑවුමකින් පහළට ඇද වැ‍ටුණහොත් එහිදී ඔබට බරපතල තුවාල අනතුරු ඇතිවීම වළක්වාගැනීමට,

  • පහළට ඇද වැටෙන විට ඔබට අල්ලාගත හැකි ආධාර වල එල්ලීමට උත්සාහ කරමින් ඇදවැටීමේ වේගය බාල කරගන්න.
  • ඇඟ දරදඬු කරගෙන නොසිටිය යුතුය,. ඉන් ඔබේ සිරුරේ අභ්‍යන්තර අවයව වලට හානි ඇති විය හැක.
  • අත් දෙක එකතු කරමින් ඔබේ හිස ආවරණය කරගන්න.
  • බිමට පතිත වන විට ඔබේ දණහිස් මදක් නවමින් දෙපතුල් පළමුව බිම ස්පර්ෂ කරමින් පතිත වන්න. (පළමුව යටි පතුලේ ගෝලය (ඇඟිලි සහ තොරණිය අතර බැද පිහිටන කොටස) මත බර තැබීම මඟින් සිරුරට ඇතිවන බලපෑම පාලනය කරගත හැකිය)
  • පි‍ටු පසට ඇද වැටීම වළක්වාගන්න. ඒ වෙනුවට ඔබේ සිරුරේ පැත්තකට හැරි පතිත වන්න.

4.අකුණු සැර අනතුරකින් බේරීමට

  • නිවසින් පිටත සිටින විට ඔබේ සිරුරේ සංවේදනයන් කෙරෙහි වඩාත් සැලකිලිමත්ව සිටින්න.
  • අකුණු සැර අනතුරකට පෙර සමේ රෝම කූප කෙලින් වන ස්වභාවයක් දැනෙනු ඇත.සම පුපුරු ගසන-පොපියන ගතියක් දැනිය හැකි අතර ගුමු ගුමු හඬක් හෝ ටික් ගෑමේ හඬක් ඇසෙනු ඇත.
  • බේස් බෝල් පන්දු රකින්නෙකුගේ ඉරියව්ව මෙන් පහළට නැවී වකු‍ටු වී ඔබේ හිසා දණහිස් අතර තබාගන්න. හැකිතරම් පහළට නැවී සිටින්න. නමුත් කිසිවිටෙක බිම වැතිරී සිටින්නට එපා!
  • ඔබේ අත්වලින් කන් වසාගන්න. ඉන් ඔබේ ශ්‍රවණ හැකියාවට බලපෑමක් විම වළක්වාගත හැකිය.
  • පොලොව මත ස්පර්ෂ වී ඇති එකම ශරීර කොටස වියයුත්තේ ඔබේ පාදයේ ගෝලයයි (ඇඟිලි සහ ආරුක්කුව අතර ප්‍රදේශය).
  • දෙපතුල් එකට තබාගන්න. එමඟින් සිරුර හරහා ගමන් නොකර එක් පාදයකින් අනෙක් පාදයට විදුලි සැර ගමන් කරනු ඇත.

5.කැළෑවක අතරමං වුණොත්

  • පළමුව ජලය ඇති ස්ථානයක් සොයාගන්න. ජලය එක් ‍රැස් වී ඇත්තේ පහත් බිම් වල නිසා ඒවෙනි ස්ථානයක් සොයාගන්න. කඳුකර ප්‍රදේශයක් නම් කඳු පාමුල ප්‍රදේශයේ ජලය ඇති ස්ථාන සොයාගත හැකිය.
  • ඔබට ලබාගත හැකි වූයේ වැසි ජලය නම් ඒවා බොහෝ වෙලාවක් යනතුරූ බඳුනක තිබෙන්නට හරින එපා. ඒවායේ බැක්ටීරියා නිසා අපවිත්‍ර වි යා හැකිය. හැකියාවක් ඇත්නම් නම් ජලය පිරිපහදු කර පානයට ගන්න.
  • ගින්නක් ඇති කරගැනීමට, කුඩා වියළි අතු රිකිලි සහ පත්‍ර සොයාගෙන කෝණාකාර ගිනි මැලයක් ගසන්න. මෙය හඳුන්වන්නේ teepee කියායි. පැතලි ලි කෑල්ලක් ගෙන එහි කුසා සිදුරක් කපාගන්න. එහි මැද කපාගත් සිදුරට වෙනත් අතු කැබැල්ලක් දමා ගිනි පුපුරු ඇතිවන තුරු තදින් අතුල්ලා කෝ‍ටු කැබැලි වලින් සාදාගත් ආකෘතියට ගිනි අවුලුවා ගන්න.
  • ගින්න සහ දුම භාවිතා කරමින් ඔබට උපකාර ඉල්ලන්න. ගින්න විශාල අත්තකින් හෝ යම් පියනක් වැනි දෙයකින් ආවරණය කර තත්පර 3-4 කින් දුම එක් ‍රැස් වි පසු දුම මුදාහරින්න. දුම ඇතිකරමින් ඔබ සිටින ස්ථානය ගැන අනික් අයට සංඥාවක් ලබාදිය හැක.

6.ජලයේ ගිලෙමින් සිටින විට ජීවිතය ගලවාගන්නා ආකාරය

  • ජලය යටදී හුස්ම ගැනීම අපහසු නොවීමට මෙම ශ්වසන අභ්‍යාස පුහුණු වි සිටීම ඔබට බොහෝ ප්‍රයෝජනවත් වේවි. මින් ඔබේ ශ්වසනයේ ඇති දුර්වලතා අහ ගැටලු බොහෝ දුරට අවම කරගැනීමට ඔබට හැකියාව ලැබේවි.
  • වැඩි බරක් නොමැති පොත් ගොඩක් සූදානම් කරගන්න.
  • බිම වැතිරී මෙම පොත් ගොඩ ඔබේ උදරය මත තබාගන්න.
  • ඔබේ උදරය පිම්බෙන සේ සෙමින් හුස්මගන්න. මෙහිදි පොත්ගොඩ ඉහළට ඉලිප්පෙන සේ හොඳින් හුස්මගැනීම සිදුකරන්න.
  • දැන් සෙමින් හුස්ම පිටකරන්න. එහිදී පොත් කන්ද නැවත පහළට ගමන් කල යුතුයි. මෙය කිහිප වරක්ම නැවත නැවත කිරීමෙන් පුහුණු වන්න.
  • පිහිනන විට හුස්ම රඳවාගෙන සිටීමට උත්සහ කරන්න.
  • හුස්ම හිර කර නොගෙන මීටර් 400 ක් පමණ පිහිනමින් පළමුව සිරුර උණුසුම් කරගන්න (warm-up).
  • මීටර් 25 නිදහස් ආර (freestyle) ක්‍රමයට වට 10 ක් පිහිනන්න. මෙහිදී හුස්ම ගැනීම සිදු නොකරන්න. මෙම වාර අතරතුරදී තත්පර 15-30 ක කෙටි විරාම ලබාගන්න.
  • හැකිතාක් ජලයේ යටට යාමෙන් වැළකී සිටින්න. පිහිනන අතර තුරදී කෙණ්ඩා පෙරළීමක් සිදුවුවහොත්,
  • පිහිනීමට පෙර හොඳින් ජලය පානය කරන්න. සිරුර විජලනයට ලක්වීම නිසා කෙණ්ඩා පෙරළීම නැතිනම් සිරුරේ මස්පිඬු පෙරළීම සිදුවේ.
  • උඩු අතට වැතිරී ජලයේ පාවෙන්න. තද බවක් දැනෙන පාදයේ පතුල හෝ ප්‍රදේශය සම්බාහනය කරන්න.
  • කකුල පි‍ටුපස මස්පිඬු පෙරළීමක් සිදුවි ඇත්නම් උඩු අතට වැතිරී ජලයේ පාවෙන අතරේ දණහිස නවමින් පාදයේ ඇඟිලි ඔබ දෙසට අදිමින් පාදය ස්ට්‍රෙච් කිරීම සිදුකරන්න.

7.සීතලට අත් ගල් ගැසීමෙන් ආරක්ෂා කරගන්නා ආකාරය

  • අත් අධික සීතලෙන් ගල් ගැසී සුදුමැලි, ඉටි මෙන් සම ඝනවීම ෆ්‍රොස්ට් බයිට් තත්වයයි. මෙහිදී ඔබට අතේ හිරිවැටීමක් , දැවිල්ලක් දැනෙන්නට පටනගනියි. මෙය වැඩිහිටියන්ට වඩා කුඩා දරුවන් හට බහුලව ඇතිවිය හැක.
  • මෙවැනි සංවේදනා ඇතිවන විට වහාම බලා නොසිට වෛද්‍ය ප්‍රතිකාර සඳහා යොමුවන්න.
  • අත් උණුසුම් කරගැනීමට හෙයාර් ඩ්‍රයර්, හීටින් පෑඩ් හෝ ගිනි උඳුනක් භාවිතා නොකල යුතුයි.
  • උණුසුම් යමක් පානය කරන්න. බ්ලැන්කට්‍ටුවකින් සිරුර ආවරණය කරගන්න. සිතලට සුදුමැලි වු අත් ෆැරන්හයිට් අංශක 101-104 තරම් උෂ්ණත්වයක ජලයේ සම රෝස පැහැ වන තුරු පොඟවාගෙන සිටින්න.
  • පසුව, මෘදුව සම තෙත මාත්තු කරගනිමින් ගෝස් පටියකින් ආවරණය කරගන්න.
  • අතේ ඇඟිලි හෝ පාදයේ ඇඟිලි සීතලට තුවාල වී ඇත්නම් කපු පුළුන් හෝ ගෝස් යොදා තුවාල ආවරණය කරගන්න. වෛද්‍ය ප්‍රතිකාර වලට යොමුවන්න.