Hela Rahas

Hela Rahas Official Web Portal

පාද වල වේදනාව දුරුකරන ව්‍යායාම 8ක්

අධිකව කය වෙහෙසමින් වැඩ කිරීම, වැරදි ඉරියව්, නීරෝගි සමබල පෝෂණයක් සිරුරට නොලැබීම, එල්ල වන පීඩනයන් වල වෙනස්කම් ආදී හේතු සාධක බලපෑමින් අපගේ දෙපා සහ දෙපතුල් වලට පීඩාකාරී වේදනාවන් සහ හානිකාරී වෙනස්කම් ඇතිවිය හැක.මේ අතරින් ඔබේ දෙපා වල මතුවන ඇතැම් පීඩාකාරී ස්වභාවයන් සහ ලක්ෂණ සුලුකොට තැකිය නොහැකි බව ද ඔබ මතක තබාගත යුතුය.

පාද වල ඉදිමුම, පීඩාකාරිබව හා කැක්කුම්-වේදනා අපි සැවොම වාගේ ඉඳ හිට හෝ අත්දකින්නෙමු. එවැනි අවස්ථාවල ඔබේ පාද වල ඇතිවන අපහසුතාවන් සමනය කරමින් ඔබට සැහැල්ලුවක් ලබාදීමට සමත්වන ප්‍රතිඵලදායි විශේෂ ව්‍යායාම ක්‍රම කිහිපයක් පිලිබඳව අද අපි ඔබව දැනුවත් කිරීමට අපේක්ෂා කරන්නෙමු. මේ සඳහා ඔබට වැඩි කාලයක් වැයකිරීමට හෝ වෙහෙසක් දැරීමට අවශ්‍ය වන්නේ නැහැ. නිතිපතා භාවිතයෙන් ඔබේ සිරුරට යහපත් ආකාරයේ දැනෙන වෙනසක් අත්කරගැනීමට ද ඔබට හැකි වේවි.

ව්‍යායාම අංක 1

  • පාද එකලඟ තබා සෘජුව සිටගන්න.
  • දැන්, ඔබේ පාද වල ඇඟිලි තුඬු වලට බර දී හැකිතාක් ඉහළට එසවෙන්න. මෙම ඉරියව්වෙන් තත්පර 30 ක් පමණ ‍රැඳී සිටින්න.
  • නැවත, ඔබේ විලුඹ පොලොව මත ස්පර්ෂ කර සිටගන්න.
  • මෙය වාර 5-10 ක් පමණ යලි යලිත් සිදුකරන්න.

2.ව්‍යායාම අංක 2

  • පියවරක් තබන ආකාරයෙන් ඔබේ දකුණු කකුල ඉදිරියට යොමුකරන්න.
  • වම් කකුල එහි ඇඟිලි වලට බර දෙමින් තබාගෙන එම ඉරියව්වෙන් තත්පර 30 ක් පමණ ‍රැඳී සිටින්න.
  • මෙය පාද දෙකටම වාර 5 ක් බැගින් යලි යලිත් සිදුකරන්න.

ව්‍යායාම අංක 3

  • බිත්තියක් දෙසට හැරී ඔබේ දෑත් ඊට එරෙහිව තබාගන්න.
  • ඔබේ දකුණු කකුලේ ඇඟිලි වලට බර දී සිටගන්න.
  • වම් පාදයේ මතුල පොලොව මත ස්පර්ෂ වන සේ තබාගෙන මේ ඉරියව්වෙන් තත්පර 30 ක් පමණ ‍රැඳී සිටින්න.
  • මෙය පාද දෙක සඳහාම මාරුවෙන් මාරුවට වාර 3 ක් පමණ සිදුකරන්න.

ව්‍යායාම අංක 4

  • මෙම ව්‍යායාමය අසුන්ගෙන හෝ සිටගෙන සිදුකල හැකිය.
  • පාදයේ පතුල යටින් ටෙනිස් බෝලයක් තබාගන්න.
  • බෝලය විලුඹේ සිට ඇඟිලි තෙක් ඉදිරියට හා පි‍ටුපසට රෝල් කරන්න.
  • මෙය එක් පාදයකට වාර 50 ක් බැගින් පාද දෙකටම සිදුකරන්න.

ව්‍යායාම අංක 5

  • මසාජ් බෝලයක්’ යෝගා මැට් එකක් මත තබන්න.
  • ඔබේ වළලුකරට පහළින් සෘජුව බෝලය සිටින සේ පාදය ඒ මත තබාගන්න.
  • තත්පර 10 ක් පමණ බෝලය විවිධ දිශාවන් වලට රෝල් කරන්න.අනතුරුව, තත්පර 3 ක් එය මැට් එක දෙසට කකුලින් තල්ලු කරන්න.
  • මෙය අනෙක් පාදයටත් සිදුකරන්න. වාර 2 ක් පමණ යලි යලිත් සිදුකරන්න.
  • මෙම ව්‍යායාමය පාද දෙකටම එකවරක සිදුකිරීමට ද හැකිය.

ව්‍යායාම අංක 6

  • පාද ඉදිරියට යොමු කර, කොන්ද සෘජුකරමින් බිම වාඩිවෙන්න.
  • ඔබේ එක් පාදයක් වටා බෙල්ට් එකක් හෝ රෙදි පටියක් ගමන් කරවන්න.
  • අත් දෙකින්ම බෙල්ට් එක හෝ පටිය අල්ලාගෙන සිටිමින් පාදය ඉහළට ඔසවන්න.මෙම ඉරියව්ව තත්පර 30 ක් පමණ පවත්වාගන්න.
  • එක් පාදයකට වාර 5 ක් බැගින් පාද දෙකටම ව්‍යායාම ලබාදෙන්න.
  • මෙය පාද දෙක සඳහාම එකවරක ව්‍යායාම ලබාදිය හැකි ක්‍රමයකි.

ව්‍යායාම අංක 7

  • යෝගා බ්ලොක් එකක් හෝ ඊට සමාන වෙනත් කොට්ටයක් හෝ මත ඇඟිලි සිටින සේ හා විලුඹ පොලොව මත සිටින සේ පාදය තබාගන්න.
  • සිරුර ඉදිරියට නවමින් ඇඟිලි මතට සිරුරේ බර යොමුකර සිටගන්න. මෙම ඉරියව්වෙන් තත්පර 30 ක් පමණ ‍රැඳිසිටින්න. අනෙක් පාදයටත් මෙම ව්‍යායාමය ලබාදෙන්න.
  • එක් පාදයකට වාර 5 බැගින් පාද දෙක සඳහාම මෙය නැවත සිදුකරන්න.

ව්‍යායාම අංක 8

  • මෙය පාද සඳහා හොඳ විවේකයක් ලබාදෙන ව්‍යායාමයක් වන අතර පාදයේ ඉදිමුම් ගතිය දුරුකරවයි.
  • බිත්තියක් අසල රූපයේ සඳහන් පරිදි වැතිරෙන්න. හිසට යටින් තුවායක් රෝල් කර තබාගන්න.
  • සිරුර දෙපසින් දෑත් තබාගන්න. බිත්තිය දිගේ පාද ඉහළට සෘජු කරන්න.මෙහිදි සිරුර සෘජු කෝණයක් ආකාරයෙන් ඉරියව්ගත විය යුතුය.
  • මෙම ඉරියව්ව මිනිත්තු 15-20 ක් පමණ පවත්වාගන්න.
  • දිනකට වාර 2-3 ක් පමණ මෙය නැවත සිදුකරන්න.