Hela Rahas

Hela Rahas Official Web Portal

ආහාර පිසගැනීමට උපකාරී වන රහස් 25 ක්

නීරෝගි දිවියක් ගත කිරීම සඳහා අප අනුභව කරන ආහාර පාන වල සෞඛ්‍යාරක්ෂිත ‍රැකගත යුතුයි. ආහාර පිසින විට ඒවායේ නියම ගුණ වඩාත් හොඳින් ආරක්ෂා වන සේ ආහාර පිසගැනීම ඉතා වැදගත්. ගුණය වගේම ආහාර වල රසවත් බවත් නොනැසී පවත්වාගනිමින් සෞඛ්‍යය සම්පන්නව ආහාර පිළියෙල කරගැනීමට උපකාරී වන මුලුතැන්ගෙයි උපක්‍රම කිහිපයක් ගැනයි මේ.

  • තෙල් භාවිතා කිරීමට කුකිං ස්ප්‍රේ බෝතලයක් භාවිතා කරන්න. එමඟින් අවශ්‍ය ප්‍රමාණයට පෑන් එකට තෙල් වත්කරගත හැකිය. පේස්ට්‍රි බ්‍රෂ් එකක් වුවත් ඒ වෙනුවට භාවිතා කල හැකිය.
  • කඩවල් වලින් මිලදි ගන්නා සෝස් වර්ග වෙනුවට ස්වභාවික යෝගට් භාවිතා කරන්න. සෝස් වල රසකාරක කල් තබාගැනීමේ ද්‍රව්‍ය අධිකය. යෝගට් භාවිතයෙන් නිවසේදීම රසවත් සෝස් සකසා ගත හැක.
  • ඔබේ ආහාර වේලට තල ඇට එක්කරගන්න. ඒවායේ කැල්සියම් බහුලය. ව්‍යෑංජන සහ සලාද වර්ග වලට ඒවා එක්ක්කරගන්න. තල ඇට රසයෙන් වගේම ගුණයෙන් ද අනූනය.
  • පෑන් එකේ බැදගැනිම වෙනුවට අවන් එකේ බේක් කිරීම සෞඛ්‍යාරක්ශිතය.
  • කඩවල් වලින් මිලදි ගැනීමට ඇති ඇඹරු මස් නිෂ්පාදන සකසා ඇත්තේ මේද අධික මස් වලිනි. එමෙන්ම ඒවා නැවුම් බවින් ද තොරයි.ඒ නිසා අලුත්ම මස් වලින් නිවසේදීම ඒවා සකසා ගන්න.
  • විස්කෝතු කුඩු, පාන් කුඩු වෙනුවට භාවිතා කල හැකි ආදේශක- ඇඹරු නට් පිටි, කඩල පිටි, පරිප්පු පිටි ,ඕට්ස්, තල ඇට..
  • අධික ලුණු පරිභෝජනය සෞඛ්‍යට අහිතකරය. එබැවින් ආහාර වලට එක්කරන ලුණු ප්‍රමාණයන් සීමා කරන්න.
  • ආහාර හුමාලයේ තම්බා ආහාරයට ගැනීමට හැකිනම් එය වඩාත් සෞඛ්‍යාරක්ෂිතය.
  • මස් හෝ මාලු තැම්බු හොදි වලින් අයිස් කැට සාදාගන්න. ආහාර වල රසය වැඩි කරගැනීමට ඒවායින් කැට එක්කරගන්න. විශේෂයෙන්ම බැදුම් වලට.
  • ආහාර රසවත් කරගැනීමට මෙන්ම සිරුරට වැඩි සෞඛ්‍යය ප්‍රතිලාභ අත්කරගැනීමට කුළුබඩු හා ඔසු පැළෑටි එක්කරගන්න. එමඟින් සිරුරේ ප්‍රතිශක්තිය වර්ධනය කරගත හැකිය.
  • නට් වර්ග ආහාරයට ගන්න. ඒවායේ ඔමේගා-3 හිතකර මේද අම්ල බහුලය. ව්‍යෑංජන රසවත් කරගැනීමට ද ඒවා එක්කරගත හැකියි.
  • අඩු මේද සලාද වර්ග අනුභව කරන්න. අඩු මේද චීස්, මුදවපු කිරි මිශ්‍ර එළවළු සලාද සිරුරට ඉතා ගුණදායකය.
  • පළා මැල්ලුම් ආහාරයට ගැනීමෙන් සිරුරට ඉහළ මට්ටමේ ප්‍රති-ඔක්සිකාරග ගුණ හා වෙනත් අත්‍යාවශ්‍ය පෝෂක ‍රැසක් හිමිවේ.
  • සීනි අඩුවෙන් ආහාරයට ගන්න. අධික සීනි පරිභෝජනය අපේ නීරෝගිබවට වගේම සුන්දරත්වයට ගැටලු මතුකරවයි. ආමන්ඩ් හෝ පොල් තෙල් භාවිතා කරමින් ආහාර රසගන්වන්න.
  • ඩාක් චොකලට් ආහාර වලට එක්කරන්න. 70% කොකෝවා ඩංගු චොකලට් ආහාරයට ගන්න. ඒවායේ අඩංගු පෝෂණය මඟින් මොලය ප්‍රබෝධමත් කරවන අතර, ප්‍රතිශක්තිකරණ හා හෘත්වාහිනි පද්ධති ක්‍රියාකාරීත්වයන් වැඩිදියුණු කරවයි.
  • වාත්තු කල යකඩින් (cast iron)තැනු බඳුන් වලින් අහිතකර රසායනයන් නිකුත් නොවන නිසා ඒවායේ ආහාර පිසීම වඩාත් ආරක්ෂාකාරීය.
  • ලෙමන් ග්‍රීන් ටි පානය කරන්න. ග්‍රීන් ටී වල ප්‍රති-ඔක්සිකාරක බහුල වන අතර ලෙමන් මඟින් සිරුර තුල ඒවා ජීර්ණය කිරීම පහසු කරවයි. ඔබේ තේ කෝප්පයට ලෙමන් බිංදු කිහිපයක් එක්කරගැනීමට අමතක නොකරන්න.
  • මාලු වල නැවුම් බව පරික්ෂා කිරීමට, ජලය පිරවූ බඳුනකට මාලුවා දමන්න, ගිලි යයි නම් පිසීමට භාවිතා කරන්න. එසේ නොවි මතුපිට පාවේ නම් එය ඉවතලන්න.
  • කෝපි ඇට වල සුවඳ නැතිවී ගොස් ඇත්නම් ඒවා පැය 2 ක් පමණ සීතල ජලයේ දමා තබන්න.
  • එළවළු වල නැවුම්බව වැඩිකලක් ආරක්ෂා කරගැනීමට, ශීතකරණයේ පේපර් ටවල් අතුරා ඒ මත එළවළු අසුරන්න. එළවළු වල ඇති අතිරික්ත ජලය ඒවාට උරාගෙන ඒවා ඉක්මනින් නරක්වීයාමෙන් ආරක්ෂා කරයි.
  • තක්කාලි සහ පිපිඤ්ඤා මිශ්‍ර කර සලාද සකසන්න එපා. රසවත් මෙන්ම ජනප්‍රිය සුසංයෝගයක් වුවත් මෙය සෞඛ්‍යය සම්පන්න නැහැ. තක්කාලි වල අඩංගු ඇස්කෝර්බික් අම්ල (විටමින් සී) විනාශ කරදමන ආකාරයේ එන්සයිමයක් පිපිඤ්ඤා වල අඩංගු වේ.
  • ධාන්‍ය වර්ග පිසිමේදී ග්‍රීන් ටී භාවිතා කරන්න. කිරි හෝ වතුර භාවිතා නොකර ධාන්‍ය තම්බාගත හැකි ආකාරයක් ලෙස මේ ක්‍රමය හැඳින්විය හැකියි. නටන උණුවතුර බඳුනට ටී බැග් එකක් දමා එයට ධාන්‍ය එක්කර තම්බාගන්න.
  • එළකිරි හෝ යෝගට් භාවිතා කරමින් පලතුරු සහ එළවළු වලින් ස්මූති සකසා පානය කරන්න. ඒවා රසයෙන් වගේම උපරිම ගුණයකින් ද අනූනය.
  • එළවළු මිදෙන්නට හැරීමෙන් (freeze) නැවුම් ඒවාට සමානව ඒවායේ අඩංගු විටමින් හා හිතකර පෝෂක දිගුකලක් හොඳින් ආරක්ෂා වේ.
  • සීනි වලට ආදේශකයක් ලෙස මී පැණි භාවිතා කල හැකියි. නමුත් ඒවා රත්කරන විට එහි ඩංගු හිතකර පෝෂක ‍රැසක් විනාශව යයි. එබැවින් උණු තේ කෝප්පයට හෝ වෙනත් උණු ආහාර වලට ඒවා එක්නොකරන්න.