Hela Rahas

Hela Rahas Official Web Portal

කෙටි කාලයකින් බර අඩු කරගන්න උපක්‍රම 10 ක්

  • ස්ථූලතාවය යනු මුලු ලෝකයටම විශාල සෞඛ්‍යය තර්ජනයක් වී ඇති තත්වයකි. ලොව ජනගහනයෙන් මිලියන 650 කට අධික පුද්ගලයින් ප්‍රමාණයක් ස්ථූලතාවයෙන් පෙළෙති. සිරුරේ බර අධිකකම වෙනත් ලෙඩ රෝග ‍රැසකට ගොදුරුවිමට හේතුසාධක වේ (හෘදයාබාධ ඇතුලු හෘද රෝග, දියවැඩියාව, අධි රුධිර පීඩනය, කොලෙස්ටරෝල් ආදි රෝග).සිරුර නීරෝගී කරගැනීම සහ මනා සෞඛ්‍යයක් පවත්වාගැනීම එතරම්ම පහසු නැත. ඒ සඳහා හොඳ අවබෝධයක් සහිත වීම, කැපවීම සහ උනන්දුව මෙන්ම කාලයත් වැය කිරීමට සිදුවේ.
  • සිරුරේ බර අඩු කරගැනීම සඳහා බොහෝ දෙනා ආහාර පාලනය කිරිම , ව්‍යායාම කිරීම, වැනි ප්‍රධාන ක්‍රමවේද භාවිතා කරති. ඉන් ඔබේ සිරුරට ලැබෙන ප්‍රතිඵල තවත් වේගවත් කරගැනීමට ඔබ කැමති ඇති? සිරුරේ නීරෝගීබව ‍රැකගන්නා අතරේ උපරිමයෙන් සිරුරේ බර අඩුකරගැනීමට උපකාරී වන විද්‍යාත්මකව තහවුරු කල උපක්‍රම කිහිපයක් ගැනයි මේ කියන්නට යන්නේ.ඔබත් මේ උපක්‍රම උත්සාහ කර බලා හොඳ ප්‍රතිඵල අත්කරගන්න!

1.ප්‍රධාන ආහාර වේලට පෙර සුප් එකක් පානය කරන්න

  • ප්‍රධාන ආහාර වේලකට පෙර සුප් කෝප්පයක් පානය කිරීම මඟින් පුද්ගලයාගේ ආහාර රුචිය බොහෝ දුරට මැඩපවත්වන බව මෑතකාලීන අධ්‍යයනයක් මඟින් පෙන්වාදේ. මෙය ඔබේ ආහාර පාලන රටාව අනුව අදාළ කරගැනීමට ඔබට පුලුවන්.

2.ආහාර වලට කුළුබඩු එක්කරගන්න

  • කුළුබඩු යෙදු සැර ආහාර අනුභව කිරීමෙන් තාවකාලිකව 8% පමණ පරිවෘත්තිය ඉහළ යාමක් සිදුවේ. එහිදී සිරුරේ කැලරි දහනය වීම ද වේගවත් වෙයි. සැර ආහාර අනුභව කරන විට සෙමින් ආහාර ගැනීමට පුද්ගලයාව පෙලඹෙවන බවත් එය පරිවෘත්තිය ක්‍රියාවලියට ඉතාමත් හිතකර වන බවත් සඳහන් වේ.

3.නීරෝගි ස්නැක් වර්ග පමණක් අනුභව කරන්න

  • ප්‍රධාන ආහර වේල් අතරේ අතුරු ආහාර වර්ග එසේත් නැතිනම් ස්නැක් වර්ග අනුභව කිරීම සුද්සුය. නැතිනම් සිදුවන්නේ ආහාර වේල් අතර ඇති පරතරය වැඩිනිසා ඊලඟ ආහාර වේලැදි පුද්ගලයා විසින්වැඩිපුර ආහාර ගැනීමට පෙලඹීමයි. එසේ ගන්නා අතුරු ආහාර වර්ග තෙල් බැදුම්, බිස්කට්, කුකීස් වැනි ආහාර නොවිය යුතුය. ඒවා වෙනුවට සූර්යකාන්ත ඇට, ආමන්ඩ්, පලතුරු කැබලි, තිරිඟු ක්‍රැකර්, අඩු මේද චීස් ආහාරයට එක්කරගන්න.

4.නිදාගන්නා කාලය වැඩිකරන්න

  • සිරුරේ නිසි ක්‍රියාකාරීත්වය සඳහා ප්‍රමාණාත්මක මෙන්ම ගුණාත්මක බවින් ද වැඩි නින්දක් ලබාගැනීම වැදගත්ය. අධ්‍යයනයක් මඟින් පෙන්වාදෙන්නේ හොඳ නින්දක් ලබාගන්නා ආහාර පාලනය කරන පුද්ගලයින් විසින් දිනකට පරිභෝජනය කරන කැලරි ප්‍රමාණය 6% කින් පමණ අඩු බවයි.

5.තේ පානය කරන්න

  • දිනකට හොඳින් ජලය පානය කිරීම ඉතා වැදගත්ය. නමුත් පිපාසය දැනෙන විට ජලය පානය කිරීම වඩාත් සුදුසුයි. වෙනත් අවස්ථාවල තේ පානය කිරීම හොඳ අදහසකි. විශේෂයෙන්ම ග්‍රීන් ටී පානය කිරීමෙන් එහි ඇති ප්‍රති-ඔක්සිකාරක ගුණ මඟින් ඔබේ සිරුරේ බර අඩු කරගැනීම සඳහා හොඳ ප්‍රතිඵල ලබාදේ.එමෙන්ම පිළිකා සෛල වර්ධනයට එරෙහිව සිරුර ආරක්ෂා කිරීමත් ග්‍රීන් ටි මඟින් සිදුකරයි.

6.නිල් පැහැති පිගානක් භාවිතා කරන්න

  • ඉහළ වර්ණ පරාසයක් ඇසට පෙනෙන විට පුද්ගලයාගේ ආහාර රුචිය අඩු වි ආහාරයට ගන්නා ප්‍රමාණය අඩු වන බව අධ්‍යනයක් මඟින් පෙන්වාදේ. උදාහරණයක් ලෙස නිල් පැහැති පිගානක ආහාර බෙදා ඇති විට එතරම් ප්‍රියතාවක් ඇටි නොවන්නේ ආහාර හා බඳුනේ වර්ණ අතර ඇති වර්ණ වල වෙනස (contrast) වැඩි නිසාය.

7.වැඩකිහිපයක් එකවර කිරීම නතරකරන්න

  • එකවර කාර්යන් කිහිපයක් සිදුකරන විට ඔබේ මනස එක් විෂයක් කෙරෙහි අවධානය යොමුවි නොපවතින අතර කලබලකාරී මනසට වැඩරාජකාරි අතරේ, ආහාර සහ කෑම ගන්නා වේලාව ගැන ආදි දේ දේ ගැන පවා සිතිවිලි ඇතුල්වේ. එසේ වූ විට පුද්ගලයාට එසේ සිතට නැගෙන දේ කෙරෙහි ඇල්ම ඇතිවිය හැකියි. ආහාර පාලනයක සිටින පුද්ගලයෙකුට එය බාධාවකි.බොහෝ විට අරමුණ අමත වී ආහාර වලට ගිජුබවක් ඇතිවිය හැකියි.

8.හයියෙන් සිනාසෙන්න

  • සිනාසීම හොඳ ස්වායු ව්‍යායාමයකි . ඉන් හෘද ස්පන්දනය වේගවත් කරන අතර සිරුර පුරා රුධිර සංසර්ණය වීම වැඩිකරවයි.පැයක් පමණ කාලයක් පුරා තීව්‍ර ලෙස සිනාසිම මඟින් මිනිත්තු 30 බර ඉසිලීමෙන් දහනය වන කැලරි ප්‍රමාණයට සමාන ප්‍රතිඵලයක් සිරුරට ලැබෙන බව සඳහන් වේ.

9.සිසිල් කාමරයක නිදන්න

  • සිසිල් පරිසරයක නිදන විට සිරුරේ උණුසුම පවත්වාගැනීම සඳහා සිරුර විසින් උදර ප්‍රදේශයේ තැන්පත් වී ඇති මේද දහනය කිරීම සිදුකරයි. ‘Diabetes’ ජර්නලයේ ප්‍රකාශනයට පත්කරන ලද එක්තරා අධ්‍යයනයක් මඟින් පෙන්වාදෙන්නේ උණුසුම් කාමර වල නිදන පුද්ගලයින්ට වඩා සිසිල් කාමර වන නිදන පුද්ගලයින්ගේ සිරුරෙන් 7% පමණ වැඩියෙන් කැලරි දහනය වීම සිදුවන බවයි.

10.විදුලි ආලෝකය නිවාදමා අඳුරේ නිදන්න

  • ඔහියෝ විශ්වවිද්‍යාලයේ පර්යේෂකයින් පිරිසක් විසින් සිදුකල අධ්‍යනයකින් පෙන්වාදෙන්නේ අඳුරු ස්ථානයක ‍රැඳීම සිරුර සැහැල්ලු කරවන බවයි. බැලූ බැල්මට අමුතු කරුණක් වුවත් මෙය සත්‍යයක් බවයි පැවසෙන්නේ.